សមត្ថកិច្ចបញ្ជូនម្តាយនិងកូនទៅតុលាការពីបទបង្ខំគំរាមឲ្យនារីម្នាក់រំលូតកូន
31-July-2016 | ដោយ មែន កំសត់
បាត់ដំបង ៖នៅព្រឹកថ្ងៃទី៣០ខែកក្កដាឆ្នាំ២០១៦សមត្ថកិច្ចនគរបាលខេត្តបាត់ដំបង បានបញ្ជូនម្តាយនិងកូនប្រុសទៅតុលាការពីបទបង្ខំគំរាមឲ្យនារី ម្នាក់ជាសង្សារំលូតកូនតាមបណ្តឹងអាណាព្យាបាលយុតីរងគ្រោះ។ ការឃាត់ខ្លួនម្តាយនិងកូនប្រុសស្ថិតនៅភូមិដាច់ព្រ័ត្រឃុំបវេល ស្រុកបវេលខេត្តបាត់ដំបងកាលពីព្រឹកថ្ងៃទី២៩កក្កដាឆ្នាំ២០១៦។
ប្រភពព័ត៌មានបានឲ្យដឹងថានគរបាលបានឃាត់ខ្លួនស្ត្រីជាម្តាយឈ្មោះ ហ៊ាមសារឿនអាយុ៤០ឆ្នាំនិងកូនប្រុសឈ្មោះឥនចាន់ណាអាយុ១៧ឆ្នាំជា សិស្សថ្នាក់ទី១១នៅវិទ្យាល័យបវេលពីបទបង្ខំនិងគំរាមឲ្យសង្សា កូនប្រុសរបស់ខ្លួនរំលូតកូនចោលក្រោយពីនាងមានផ្ទៃពោះ។តែប្រភព មិនបានបញ្ជាក់ពីដែលនារីនោះមានផ្ទៃពោះប៉ុន្មានខែនោះទេ។ចំណែកយុ តីរងគ្រោះឈ្មោះឡ.គ.ល.អាយុ១៧ឆ្នាំជាសង្សាររបស់ឈ្មោះឥន ចាន់ណា ។
ប្រភពដដែលបានបន្តថាទាំងពីរនាក់ម្តាយនិងកូនប្រុស នេះបានបង្ខំឲ្យនារីរងគ្រោះរំលូតកូនចោលនៅក្នុងគ្លីនិកឯកជន មួយកន្លែងក្នុងភូមិខាងលើកាលពីថ្ងៃទី២១ កក្កដាឆ្នាំ២០១៦ដើម្បីគេចពីការទទូលខុសត្រូវ ។ស្ត្រីសង្ស័យឈ្មោះហ៊ាម សារឿនបានបង្ខំនិងគំរាមនារីរងគ្រោះថា បើមិនរំលូតកូនចោលទេគ្រូមិនអនុញ្ញាតឲ្យកូនប្រុសគាត់ចូលរៀនថ្នាក់ ទី១២នៅឆ្នាំក្រោយទេ។ក្នុងនោះថែមទាំងហាមមិនឱ្យនាងនិយាយរឿងនេះ ប្រាប់គេទៀតផងដូច្នេះហើយទើបនាងសុខចិត្តរំលូតកូនទាំងការឈឺចាប់។ ប៉ុន្តែក្រោយមករឿងនេះត្រូវបែកការណ៍ដឹងដល់អាណាព្យាបាលខាងនារី រងគ្រោះក៍មកប្ដឹងសមត្ថកិច្ចឲ្យចាត់ការតាមផ្លូវច្បាប់តែម្ដង។
មន្ត្រីសមត្ថកិច្ចបានឲ្យដឹងថាម្ដាយនិងកូនប្រុសនោះត្រូវជាប់ចោទ ពីបទសមគំនិតគ្នាក្នុងការប្រព្រឹត្តរឿងរំលូតកូនដើម្បីគេចវេសពីការ ទទូលខុសត្រូវ។ពេលនេះសមត្ថកិច្ចបានបញ្ជូនស្ត្រីសង្ស័យនិងកូនប្រុស នោះទៅតុលាការដើម្បីអនុវត្តទោសតាមច្បាប់ជាធរមាន៕
ចំនួនអ្នកទស្សនា
- ថ្ងៃនេះ8461
- ម្សិលមិញ6261
- សប្តាហ៍នេះ26841
- ខែនេះ141991
- ឆ្នាំនេះ141991
- សរុប20584447